Poslovne vijesti - Makedonija

НЛБ Тутунска ги намали каматните стапки

НЛБ Тутунска банка соопшти денеска дека како резултат на намалувањето на каматната стапка на благајничките записи ги намали каматните стапки на кредитите и депозитите за правни и физички лица.

Банката, како што се наведува, на почетокот на февруари ги намали каматните стапки на кредитите за физички лица до 3 процентни поени, а во април ги намали каматните стапки на денарските депозити за физички лица од 0,5 до 1,2 процентни поени.

Новите каматни стапки на денарските депозити важат од 12.04.2010 и се однесуваат за сите новоодобрени депозити и депозити склучени од 01.06.2009 година. За сите склучени денарски депозити до 01.06.2009 ќе важат старите каматни стапки.

Намалувањето на каматните стапки кај кредитите за правни лица изнесува 1 отсто за денарските кредити и 0,5 проценти за денарските кредити со девизна клаузула и се однесува за сите новоодобрени кредити од 19.04.2010.

Каматните стапки на денарските депозити за правни лица се намалени до 0,5 проценти, a на денарските депозити со девизна клаузула до 1 отсто и се со важност од 19.04.2010 година.